झापा । 

वरिष्ठ कलाकार सुनिल थापाको निधन भएको छ ।  हृदयाघातका कारण आज (शनिवार) बिहान थापाथलीस्थित नर्भिक अस्पतालमा उनको निधन भएको कलाकार संघका अध्यक्ष मोहन निरौलाले जानकारी दिए । 

शंखमुलस्थित अपार्टमेन्टमा बस्दै आएका थापा लामो समयदेखि नेपाली र भारतीय चलचित्र उद्योगमा सक्रिय थिए । नेपाली चलचित्रमा ‘खलनायक’ को भूमिकालाई पनि नायक सरह चर्चा र सम्मान दिलाउन सफल थापा ‘राते काइँला’ को नामले चर्चित थिए। 

उनका परिवारका अन्य सदस्यहरू भारतको मुम्बई बस्छन् ।सुनिल थापाको निधनसँगै नेपाली चलचित्रले एक सशक्त कलाकार गुमाएको छ।