विराटनगर । 

मोरङ, सुनसरी र उदयपुरबाट लागू औषधसहित नौ जनालाई प्रहरीले पक्राउ गरेको छ । मंगलबार दिउँसो उदयपुरको कटारी नगरपालिका–४ मा लागूऔषध बिक्री बितरण भई रहेको छ भन्ने बिषेश सुचनाको आधारमा इलाका प्रहरी कार्यालय कटारीबाट खटिएको प्रहरी टोलीले खानतलासी गर्ने क्रममा लागूऔषध ट्रामाडोल र स्पास्मो ८ सय ७७ ट्याब्लेट सोही स्थानका ३१ बर्षीय बिनय सुनुवार, ३४ बर्षीय हरि कृष्ण राई, २६ बर्षीय करण लिम्बु, २२ बर्षीय बिशाल तामाङ र २० बर्षीय बिकेश तामाङलाई नियन्त्रणमा लिइएको छ ।

त्यसैगरी मोरङको विराटनगर महानगरपालिका–१५ बाट बेलबारी नगरपालिका–२ का ३७ बर्षीय सन्तोष पौडेललाई ३ ग्राम १६ मिलिग्राम ब्राउन सुगर र नाईट्राजाम २० चक्की सहित इलाका प्रहरी कार्यालय रानी र लागूऔषध नियन्त्रण ब्युरो बिराटनगरको प्रहरी टोलीले नियन्त्रणमा लिइएको छ भने जिल्ला प्रहरी कार्यालय मोरङ तथा मातहत प्रहरी कार्यालयहरुबाट विराटनगर महानगरपालिका–१८ स्थितमा खटिएको प्रहरी टोलीले को.१ च ९५८२ नम्बरको स्कारपियो गाडीबाट लागुऔषध गाँजा १ सय ५५ किलोग्राम बरामद गरेसगै चालक धरान उप(महानगरपालिका–१२ का २४ बर्षीय राहुल बिश्वकर्मा र गाडीमा सवार धनकुटा सहिदभुमी गाउँपालिका(६ का १९ बर्षीय सुरज राईलाई नियन्त्रणमा लिईएको छ ।

 त्यस्तै इलाका प्रहरी कार्यालय दुहबी सुनसरीले गढी गाँउपालिका–२ घर भई हाल दुहबी नगरपालिका–३ स्थित डेरा गरी बस्दै आएका २३ बर्षीय ओम चौधरीलाई १ किलोग्राम गाँजासहित पक्राउ गरेको हो । पक्राउ परेका सबै जनाको थप अनुसन्धान भईरहेको प्रहरीले जनाएको छ ।