बिर्तामोड । 

अन्तराष्ट्रिय जैविक विविधता दिवसको अवसर पारेर झापाको बिर्तामोडमा विषादी तथा फोहोरमैला व्यवस्थापन सम्वन्धि बिद्यार्थीहरुलाई सचेतना कार्यक्रम गरिएको छ । 

सहारा नेपाल बिर्तामोड–२ चापाने र मनकामना कलेज एण्ड सेकेण्डरी स्कूलको संयुक्त आयोजना तथा ग्लोवल लर्निङ ल्यावको सहयोगमा शुक्रवार लिडरसिप एकाडेमी कार्यक्रम अन्तरगत सचेतना कार्यक्रम गरिएको हो । 

मनकामना कलेज एण्ड सेकेण्डरी स्कूलका कक्षा ८ र ९ मा अध्ययनरत एक सय बढी विद्यार्थीलाई सचेतना कार्यक्रम अन्तरगत प्रशिक्षण दिइएको हो । 

स्कूलका प्रधानाध्यापक केशव ढुङ्गानाको अध्यक्षतामा भएको उद्घाटन कार्यक्रममा सहारा नेपालका कृषि विज्ञ राजेन्द्रप्रसाद खरेलले सचेतना कायक्रमको सहजीकरण गरेका थिए । कार्यक्रमको सञ्चालन सहारा नेपाल लिडरसिप एकाडेमी कार्यक्रम संयोजक कुसुम उप्रेतीले  गरेकी थिइन् । 

कार्यक्रममा सहभागी बिद्यार्थी र शिक्षकहरुले कार्यक्रम एकदमै प्रभावकारी भएको बताएका  छन् । सचेतना कार्यक्रम अन्तरगत बिशेष गरेर बालबालिकाहरुलाई बिषादीले गर्ने असर र त्यसलाई न्यूनिकरण गर्ने उपायका बिषयमा जानकारी गराइएको थियो ।

त्यस्तै फोहोर व्यवस्थापन सम्बन्धी कुहिने फोहोरबाट प्राम्भीक मल बनाउने तरिकाका बिषयमा कृषि बिज्ञ खरेलले जानकारी गरेका थिए ।