झापा । 

 जेन जी पुस्ताको प्रदर्शनका क्रममा देशमा उत्पन्न विषम परिस्थिति र जन–धनको क्षतिप्रती  नेपाली काङ्ग्रेस झापाले गहिरो दुख व्यक्त गरेको छ । नेपाली काङ्ग्रेस झापाका सभापति देउकुमार थेबेले आज (बुधवार) एक बिज्ञपति जारी गर्दै जेन–जी आन्दोलनका नाममा अति सबेदनशिल र महत्वपूर्ण सरकारी भवन, ब्यक्तीका घर, संघ–सस्था र  ब्यापारिक प्रतिष्ठानहरुमा गरिएको आगजनी, तोडफोड र कुटपिट एवं राष्ट्रिय क्षतिप्रती दुख व्यक्त गरेको हो । 

‘ हिसा, तोडफोड र आगजनीले समृद्ध राष्ट्र निर्माण गर्न सकिन्नू बिग्यप्तीमा भनिएको छ( लोकतान्त्रिक प्रणालीको विकल्प भनेको अझ उन्नत लोकतन्त्र हो । ‘देशमा अहिले लोकतान्त्रिक संविधान छ, संबैधानिक अङ्गहरु क्रियाशिल छ्न् । अबको सरकार गठन र निकास पनि संबैधानिक र बिधिको बाटोबाटै हुनेमा हामी बिश्वस्त छौ ।’

प्रदर्शनका क्रममा ज्यान गुमाएका सबैप्रति भावपुर्ण श्रद्धाञ्जली अर्पण गर्दै घाइतेहरु सबैको शिघ्र स्वास्थ्यलाभको कामना बिज्ञप्तिमा गरिएको छ । यो विषम परिस्थितिमा आम नागरिक र  पार्टीका सबै साथीहरु र भातृ तथा शुभेच्छुक संस्थाहरुमा आवद्ध साथीहरु र आम जिल्लाबासी दाजुभाइ, दिदीबहिनीहरुमा केही समय धैर्य र संयमतापुर्वक शान्ति सुब्यवस्था बनाउन भुमिका निर्वाह गरिरहन आग्रह गर्दै हतास नहुन पनि विज्ञप्तिमार्फत अपिल गरिएको छ

प्रदर्शनका नाममा पार्टी सभापति शेरबहादुर देउवाको घरमा प्रवेश गरि सांघातिक आक्रमणबाट उनको र परराष्ट्र मन्त्री आरजु राणासहित विभिन्न राजनीतिक दलका नेता, कार्यकर्ता र सर्बसाधारणलाइ घाइते बनाउनेहरुको कुकार्यको भत्सना गर्दछौं’ विज्ञप्ति भनिएको छ । जेनजीले उठाएका कतिपय मागहरु जायज भएपनि त्यस क्रममा राष्ट्रिय सुरक्षाका दृष्टीले अति संवेदनशिल मानिएका महत्वपुर्ण तथ्यांक र अभिलेखहरु रहेका सिंहदरबार, संसद भवन, सर्वोच्च अदालत, राष्ट्र बैंक, लगायतका सरकारी भवन, ब्यक्ति, संघ–संस्था र ब्यापारिक प्रतिष्ठानहरुमा आगजनी र तोडफोड गरिनु अत्यन्तै दुःखदायी घटना हो ।

 यस क्रममा हाम्रो पार्टीको  केन्द्रीय कार्यालय, जिल्ला पार्टी कार्यालय भवन, क्षेत्र, नगर समितिका भवनहरु र पार्टी नेताहरुका घर, स्थानीय तह र जिल्लास्थित सरकारी कार्यालयहरुमा आगजनी र तोडफोड गरिएका छ्न् । यो घटनाप्रती हामी दुस्ख व्यक्त गर्दछौं। र यस्ता घटनाको निन्दा गर्दछौं ।’

यस विषम परिस्थितिमा लोकतान्त्रिक पद्धति र प्रक्रियाबाटै राजनीतिक निकास खोज्न आग्रह गर्दै विज्ञप्तिमा लोकतन्त्रलाई मास्ने देशी–बिदेशी षडयन्त्र भए  नेपाली कांग्रेस त्यसको बिरुद्ध हुने स्पष्ट पारिएको छ ।