झापा । 

झापा विर्तामोड नगरपालिका–६ स्थित सुगम शान्ति टोलको तोरीवारी नजिक रहेको सिमल तरुलको झाडीमा वेवारिसे अवस्थामा हतियार फेला परेको छ । आज (बुधवार) ४ः४५ बजेको समयमा सो हतिषर फेला परेको हो । 

०३११००८७२ नम्बरको इन्सास हतियार एक थान, म्याग्जिन एक थानको राउण्ड १९ सावुत र २ राउण्ड वेसावुत गोली  फेला परेको प्रहरीले जनाएको छ । 

उक्त हतियार २४ गते  जेन–जी आन्दोलनको क्रममा इलाका प्रहरी कार्यालय अनारमनीबाट लुटिइएको बताइएको छ ।  हतियार बरामद गरि इलाका प्रहरी कार्यालय अनारमनीमा ल्याएर राखिएको र थप अनुसन्धान भइरहेको जिल्ला प्रहरी कार्यालय झापाले जनाएको छ । 

इलाका प्रहरी कार्यालय दमक र बिर्तामोडबाट लुटिएका २२ नाल अझै नभेटिएको प्रहरीले जनाएको छ ।