सवै धन सम्पत्ती लिएर श्रीमती हिडेपछि.....

सुरुङ्गा ।

श्रीमतीले सवै धन सम्पत्ती लिएर हिडेको भन्दै ताप्लेजुङबाट श्रीमानसहित परिवार झापा आएका छन् । ताप्लेजुङको सिरिजङ्गा गाउँपालिका वडा न ५ पेदाङ्गका ५४ वर्षिय आषाराज लिम्बु आफ्नी श्रीमती ४४ वर्षिया इन्द्रकला मावो (लिम्बू) ले गत बुधबार आफ्नो सारा धन सम्पत्ति लिएर सम्पर्क विहिन भएको भन्दै झापा आएका हुन् ।

पीडित श्रीमान लिम्बुसहित १७ बर्षिय छोरा मेसेहाङ्ग लिम्बू, बहिनी कविता लिम्बू अन्य परिवारका सदस्य उनको खोजीमा झापा आएका छन् । पाँचथरको थर्पु घर भएकी ४४ वर्षिया इन्द्रकला मावोसँग २०५९ सालमा मागी बिबाह भएको श्रीमान आषाराजले बताए । ।

बिवाहपछि परिवारको सुख सुविधाका लागि आषाराज वैदेशिक रोजगारीका लागि खाडीमुलुक गएको बताए । उनी बैदेशिक रोजगारका लागि बिदेशिएपछि परिवारलाई केही समय सुनसरीको धरानमा राखेका बताए । अझै एक मात्रै १७ वर्षिया छोरा मेसेहाङ्ग लिम्बूको पढाईका लागि भन्दै राजधानी काठमाडौमा बस्न थाले । वैदेशिक रोजगारीमा कमाई राम्रै हुन थालेपछि आषाराजले श्रीमती इन्द्रकलाका लागि ब्युटीसियन सिकाएर ब्युटी पालर खोलिदिएको बताए ।

‘अहिले घरमा गाडी पनि खरिद गरेको स्कुटर पनि थियोे । परिवार राम्रोसँग चल्दै थियोे । तर, परिवारमा केही समय अघिबाट केही खटपटी चल्यो । अलग अलग बस्ने भनेर श्रीमतीले नै निवेदन दिएपछि जिल्ला अदालतले सम्बन्ध बिच्छेद गरिदियो । फेरि त्यसको दुईहप्ता बित्न नपाउदै श्रीमतीले नै हामीसँगै बस्ने भनेर सम्बन्ध बिच्छेदको मुद्दा फिर्ता लिइन् ।’ श्रीमान आषाराजले भने ।

अहिले फेरि गत बुधबार छोरा मेसेहाङ्ग र बुवा ५४ वर्षिया आषाराज लिम्बुलाई छोराको नागरिकता बनाउन जिल्ला प्रशासन कार्यलय ताप्लेजुङमा पठाई घरमा केही समय अगाडी जग्गा बेचेको ३२ लाख नगद, करिब १५ तोला सुन र ८० तोला माथि चाँदी लिएर झापाको शिवसतासी नगरको वडा न ८ स्थित डुडामारीमा शेर्मा थरिको घरमा बिबाह गरि आएको भन्दै पीडित आषाराजले न्याय दिलाई दिन सवैसँग आग्रह गरेका छन् ।

उनले श्रीमतीले लगेको आफ्नो सम्पुर्ण श्री–सम्पत्ति फिर्ता दिलाईदिन अपिल समेत गरेका छन् । उनले इलाका प्रहरी कार्यलय झिलझिलेमा श्रीमतीको फोटोसहित पनि निवेदन दिएको बहिनी कविता लिम्बूले जानकारी दिइन् ।

यता इलाका प्रहरी कार्यलय झिलझिलेका प्रमुख अनिस बुढाथोकीले काठमाडौबाट इन्द्रकला हराएको र सारा सम्पत्ति लिएर झिलाझिले आसपासमा दोस्रो बिबाह गरि आएकोले खोजी गरि न्याय दिलाईदिनु हुन भनी निवेदन परेकोले खोजी कार्यजारी रहेको बताएका छन् । उनले निवेदन आउना साथ पीडित परिवारलाई लिएर सशंका गरेको घरमा जाँदा चावी लागाएको फेला परेकाले खोजी गरिरहेको भइरहेको बताएका छन् । उनले कसैले देखे भेटेमा नजिकैको प्रहरी कार्यलयलाई खवर गर्न समेत आग्रह गरे ।

हाम्रो बारेमा

हाम्रो समूह

सम्पर्क