हल्दीबारीका सामुदायिक विद्यालय व्यवस्थापन समितिको अध्यक्ष नियुक्ति

हल्दीबारी ।

झापाको हल्दीबारी गाउँपालिकाका सामुदायिक विद्यालयहरूमा व्यवस्थापन समितिको अध्यक्ष नियुक्ति गरिएको छ। अध्यक्ष नियुक्ति गरेसँगै सामुदायिक विद्यालयका व्यवस्थापन समितिले पूर्णता पाएका छन् । गत भदौं १५ गते व्यवस्थापन समितिको कार्यकाल समाप्त भएको थियो । हल्दीबारी गाउँ शिक्षा समितिको गत मंसिर १० गते गरेको निर्णय अनुसार हल्दीबारीका १७ वटै सामुदायिक विद्यालयहरूमा व्यवस्थापन समितिको अध्यक्ष मनोनित गरिएको हल्दीबारी गाउँपालिकाको शिक्षा शाखाले जानकारी दिएको छ।

तर, यसरी नियुक्ति गरिएका अधिकांश विद्यालय व्यवस्थापन समिति अध्यक्ष गैर अभिभावक छन् । शिक्षा ऐन २०२८ ले अभिभावकले आफूहरू मध्येबाट छानी पठाएको विद्यालय व्यवस्थापन समितिका सदस्य मध्येबाट छानेर विद्यालय व्यवस्थापन समिति अध्यक्ष हुने व्यवस्था गरेका छ।

तर, त्यसको विपरीत हल्दीबारी गाउँपालिकाले अध्यक्ष नियुक्ति देखिएको छ। गाउँ शिक्षा समितिले गैर अभिभावक, पार्टीको कार्यकर्तालाई विद्यालय व्यवस्थापन समिति अध्यक्ष बनाउने काम गरेको स्पष्ट देखिएको छ । विद्यालय व्यवस्थापन समितिको अध्यक्ष अभिभावक मध्ये जुनसुकै व्यक्ति हुन सक्ने व्यवस्था छ।

सामुदायिक विद्यालयको सञ्चालन रेखदेख र व्यवस्थापन गर्नका लागि प्रत्येक विद्यालयमा ब्यवस्थापन समितिको ब्यवस्था गरिएको छ । जसमा अभिभावकहरु मध्येबाट छानी पठाएका २ जना महिलासहित ४ जना, विद्यालय रहेको गाउँपालिका वा नगरपालिकाको सम्वन्धित वडाको वडा समितिका सदस्यहरु मध्येबाट सो वडा समितिले मनोनयन गरेका सदस्य एक जना, विद्यालयका संस्थापक स्थानीय बुद्धिजिवि शिक्षा प्रेमी विद्यालयलाई निरन्तर १० बर्षदेखि सहयोग गर्ने वा विद्यालयलाई १० लाख वा सो भन्दा बढी नगद वा जिन्सी सहयोग गरेका ब्यक्तिहरु मध्येबाट विद्यालय ब्यवस्थापन समितिले मनोनयन गरेको एकजना महिला सहित २ जना र विद्यालयका शिक्षकले आफूहरु मध्येबाट छानी पठाएको एकजना गरी समितिको गठन हुने ब्यवस्था छ । उक्त समितिका विद्यालयका प्रधानध्यापक सदस्य सचिव हुने छन् ।

यसरी आएका अभिभावक सदस्यहरु मध्येबाट मात्रै अध्यक्ष छान्ने ऐनमा ब्यवस्था गरिएको छ । पालिकाका १७ वटा सामुदायिक विद्यालयहरू मध्ये ८ वटामा अभिभावक व्यवस्थापन समितिको अध्यक्ष नियुक्ति गरिएको छ भने ९ वटा विद्यालयमा गैर अभिभावक विद्यालय व्यवस्थापन समिति अध्यक्षमा नियुक्ति दिएको छ।

निम्न अनुसारको व्यवस्था गरिएको पालिका शिक्षा शाखाले जानकारी दिएको छ। दुर्गादेबी आधारभूत विद्यालयमा देब नारायाण चौधरी (अभिभावक), गरमकाली आधारभूत बिद्यालयमा हिमालय राई (अभिभावक), सरस्वती माध्यमिक बिद्यालयमा राजकुमार लिम्खिङ लिम्बू (अभिभावक), जनजागृति मावीमा टेकप्रसाद सापकोटा (गैर अभिभावक) नव सृजना आधारभुत विद्यालयमा सूर्य योङ्हाङ (अभिभावक), राष्ट्रीय एकता आधारभुत बिद्यालयमा राम टुडु (गैर अभिभावक) जनता आधारभूत विद्यालयमा सन्जिव राई (अभिभावक), सरस्वती आधारभुत विद्यालयमा खिनादेबि घिमिरे (अभिभावक) लाई नियुक्त गरिएको छ ।

यसैगरी हल्दीबारी माविमा टीकादेबि राउत (गैर अभिभावक), रामेश्वर आधारभुत विद्यालयमा डिल्लिराम ठकुरी (गैर अभिभावक), पञ्चायत माध्यमिक विद्यालयमा टंक बाहादुर लिङ्देन (गैर अभिभावक), लक्ष्मी माध्यमिक विद्यालयमा विष्णु माया तामाङ (गैर अभिभावक), दिपेन्द्र आधारभुत विद्यालयमा सन्तोषकुमार मेचे (गैर अभिभावक), महेन्द्र माध्यमिक विद्यालयमा खगेन्द्र आचार्य (गैर अभिभावक), शान्ति आधारभूत विद्यालयमा फुलकुमारी तावा (अभिभावक), धनुषा आधारभुत विद्यालयमा गोकर्ण भन्डारी (अभिभावक), मोति आधारभुत विद्यालयमा नरेन्द्र नेउपाने (गैर अभिभावक) हरूलाई विद्यालय व्यवस्थापन समितिको अध्यक्षको रूपमा मनोनित गरिएको छ।

यस्तो छ हल्दीबारी गाउँपालिकाले उपलब्ध गराएको अध्यक्ष नियुक्तीको बितरण :

adx1