दुर्गापुर । 

झापाको कनकाई नगरपालिका–१ ले  वडाका टोललाई समायोजन गर्ने भएको छ। वडामा टोल धेरै ठुलो भएर बजेट बाडफाँडदेखि विभिन्न सौलियत, अनुदान, सहयोग लगायत अनेकौं कार्यमा समस्याका कारण टोल घटाएर समायोजन गर्न लागिएको वडा कार्यलयले जनाएको छ।

यसै सिलसिलामा शुक्रबार वडाले छ्लफल तथा अत्तरक्रिया कार्यक्रम गरेको छ। वडाध्यक्ष सुशिलकुमार पोखरेलको अध्यक्षतामा भएको छलफल कार्यक्रममा वडा सदस्य, वडा सचिवसहित  अहिले वडामा रहेका १६ वटा टोलका संयोजक, तथा सचिव, वडाका राजनीतिक दलका प्रमुख तथा प्रतिनिधि, जेष्ठ नागरिक वडाका अध्यक्ष लगायतको उपस्थितिमा छ्लफल गरिएको थियो।

साविक सुरुङ्गा वडा न १ र २ मिलेर बनेको कनकाई १ मा टोल धेरै भएको भन्दै अहिलेका टोललाई समायोजन गर्न लागिएको वडाध्यक्ष सुशिलकुमार पोखरेलले जानकारी दिए ।

अहिले कनकाई वडा नम्बर १ मा १६ वटा टोल रहेको र यसलाई घटाएर ९ वटा सम्म बनाउन  लागिएको वडाध्यक्ष पोखरेलले बताए। टोल धेरै हुँदा विभिन्न सेवा सुबिधामा पनि समस्या हुने,  बजेट वितरणमा पनि समस्या हुने, टोल भेलामा पनि उपस्थितिमा कोरम नपुग्ने अनेकौ कारणले पनि टोल समायोजन जरुरी रहेकै कारण टोल घटाउनु परेको वडा अध्यक्ष पोखरेलले स्पष्ट पारे । 

छलफल कार्यक्रमलाई सम्बोधन गर्दै वडाध्यक्ष पोखरेलले वडामा विपन्न, गरिव असाय, अशक्तलाई सहयोग गर्ने देखि विभिन्न विकास निर्माणगर्न समेत समस्या भएकै कारणको अवगत गराएका थिए । 

छ्लफल कार्यक्रममा वडाका राजनीतिक दलका तर्फबाट नेपाली कांग्रेसका वडा सभापति मनोज बस्नेतले टोल समायोजन गर्नु राम्रो भएको तर टोल समायोजन गर्दा साविक वडा न १ मा ५ र साविक वडा न २ मा ४  वटाका दरले जम्मा ९ वटा टोल बनाउन सुझाप दिएका थिए । त्यस्तै नेकपा एमाले नगर सचिव युवराज अधिकारीले टोल समायोजन गर्दा क्षेत्रफल भन्दा–भन्दा पनि जन संख्याको आधारमा छुट्याउनु पर्नेमा जोड दिए । जेष्ठ नागरिक वडा अध्यक्ष ऋषिकेष खतिवडाले टोल समायोजन सँगै वडाबाट पाउने सेवासुविधामा जेष्ठ नागरिक, असक्त्त, अपांग, एकललाई प्राथमिकतामा राख्न सुझाव दिएका थिए । 

छलफलमा टोल संयोजक यादपप्रसाद अधिकारी, हरिबहादु राई, लक्ष्मीप्रसाद बराल, रुपेश बराल लगायतले विगतमा टोलले पाएको हक अधिकार, सेवा सुविधाको बारेमा अवगत गराउदै जन संख्याको आधारमा एकद्वार प्रणालिबाट अघि बढ्न सुझाव दिएका थिए।

यता कनकाई नगर प्रमुख राजेन्द्रकुमार पोखरेलले नगरमा रहेका अन्य कतिपय वडामा समेत टोल धेरै रहेको भन्दै समायोजन गर्न जरुरी रहेको बताए। उनले संघ प्रदेशबाट प्राप्त हुने पैसामा विगत भन्दा आधा कटौती हुने गरेकाले टोल धेरै हुँदा गाह्रो हुने बताएका थिए । 

नगर प्रमुख पोखरेलले बजेट बाडफाँड गर्दा टोलको आधारमा जाने भन्दै कृषि, स्वास्थ्य, विकास निर्माण  सबै काम गर्न जति सानो टोल भयो त्यति सहज हुने विश्वास दिलाएका थिए । 

नगरले वडालाई टोलकै आधारमा आवश्यकता र माग अनुसार  मोटर वितरण, मकै छोडाउने मिसिन र स्पे ट्याग्ङ्की  न्यानो कपडा, स्वास्थ्य विमा, च्याप कटर, आत्म निर्भरताका लागि स्वरोजगार सम्बन्धि तालिम, व्यवसाय सन्चालन गर्न किराना सामान वितरण, लैना गाई वितरण, अन्यमा शिक्षा, खेलकुद लगायतमा पनि टोलकै सिफारिसको आधारमा सेवा पाउने नगर प्रमुख पोखरेलले बताएका थिए । 

करिब ५७ हजारभन्दा बढी जनसंख्या रहेको कनकाईमा नगरपालिकाले कृषि क्षेत्रलाई विशेष प्राथमिकता दिएको छ । सबै क्षेत्रलाई समेटेर बजेट विनियोजन गरेको कनकाईले कृषिमा आत्मनिर्भर बनाउने नीति लिएको छ । जसका लागि कृषकलाई खेती गर्न सहज हुने वातावरण निर्माण गरिरहेका छ । कृषिको माध्यमबाट आयात प्रतिस्थापनसँगै स्वरोजगार बन्न सकिने भएकाले पनि कृषि क्षेत्रलाई बढी प्राथमिकता दिएको  नगरप्रमुख पोखरेलले बताए।

नगरपालिकाले हेफर प्रोजेक्ट तथा कारीतास नेपालसँगको सहकार्यमा अभियान नेपालले कृषकहरुका लागी बिउमा अनुदान, विषादीमुक्त खेतीमा जोड, स्प्रे ट्याङ्ग्की वितरण, धानको बीउ उत्पादन पचास प्रतिशत अनुदान, गाईगोठ तथा बाख्रा खोर सुधार, बाख्राका पाठा वितरण, क्षमता विकास तालिम, आत्म निर्भरतामा जोड दिदै  कार्यक्रम गरिरहेको पाइएको छ।

शुक्रबारको छ्लफल कार्यक्रममा वडा सदस्य दलबहादुर थापा, हरिकुमार राई वडा सचीव सुदिक्षा निरौला लगायतको उपस्थित रहेको थियो । छलफलबाटै अहिले ल्याएको खाकालाई थोरै संसोधन गर्दै पुणता दिन सहभागी सबैजानले वडा समिति  समक्ष जिम्मा पनि लगाएका थिए । कार्यक्रमको सञ्चालन वडा सदस्य निर्मला खड्काले गरेकी थिइन् ।